حوار مع قلبى

موضوع: حوار مع قلبى الخميس يونيو 25, 2009 8:33 pm

مالك حزين ومتضايق ؟ ..... انا قلبك احكى وانا اشجيك.

اقولك ايه بس يا قلبى ... ولا استنى هجيبهالك من البدايه.

كلام قولته لحبيبتى .. وهرجع اقوله من تانى.

فتحت عنيا على الحب .... لقيتك قصادى وقدامى.

بصيتلك نظره اعجاب ... ورديتى بابتسامه فعنيكى.

حسيت قلبى ارتحلك ... وحسيت انه بقى ليكى.

معرفتش اقوله استنى... ولا حتى انى ادارى عليكى.

علطول رحت و كلمتك ....... بجاوبك وتسالينى.

حبيت الكلام عشانك ... وفضلت اسالهم عليكى.

لقيت انى بحبك .. والشوق مالينى ليكى.

ساعتها ناديت لقلبى ... وسالته لو هيبقى ليكى.

رد وقالى بسرعه .. انا عمرى ما هكون لغيرها.

دى انسانه محترمه .. وانتا ليها مشتااق.

متعذبنيش يابنى معاك ... وروح كلمها قوام.

ساعتها شكرتك اوى يا قلبى ... انا كنت مستنى ردك.

انا فعلا دايب فيها ... وفعنيها كلامى يطول.

هوصفلك واحكيلك عليها ... عشان متفكرنيش مجنون.

وشها برىء وعفيف فيه من الملايكه جمال.

عنيها قوام ابصلها ... اسرح وادوب فخيال.

رقتها ولا مشيتها ... ولا استنى تشوف ضحكتها.

عنيها لما تبص عليا .. والخجل على خدودها يبان.

انا حقيقه مش عارف اوصفها... بس كفايه اخلاقها دى كمان.

الادب سمه تعاملها ... ودينها فوق كل كلام.

ملتزمه وعارفه اوى حدودها ... ولا عيبه عنها بتتقال.

اسكت؟ ولا اكمل عنها ... لو سيبتنى للصبح ما هنام.

ايه انتا نسيت انى قلبك .. وحاسس بكل اللى فيك.

تتمنى تشوفها وتبصلها..وتتمنى لو اللحظه تطول.

متحبش كلمه تتقال عنها .. وعنها بتدافع وتقول.

ولو يوم شوفتها متضايقه ... الاقى الهم بينازعك.

وياسلام لو شفتها فرحانه .. بتغنى وترقص لفرحها.

وتخاف مالزمن الغادر ... لو ممكن حد يجرحها.

انا عارفك يا بنى كويس.... لما تحب بتبقى اصيل.

بس استنى تعالا وقول ... مالك متضايق وحزين ؟.

سالتنى مالى حزين .. استنى اكملك الحكايه.

دايما اقول اللقاء والفراق نصيب ... ولا عمرى تخيلت انى ارضى بيه.

فيوم كان شؤم وحزين ...وانكتبلى انقتل فيه.

ايوه انا فاكر اليوم دا .... انا حتى اتالمت فيه!!

كويس انك فاكر ... عشان اكملك الحكايه.

حكايه حب ولا اقولك .. خلاص خلصت مالبدايه.

يا ترى انا الغلطان ؟؟ يا ترى انا السبب.

لما اشوف حبى بيبعد .. ولا قادر اقوله كلام.

لو فعلا كانت حبيبتى .. كانت استنت وفهمتنى.

بدل ما تسيبنى للآلامى ... حتى كانت ترأف بحالى.

ولا انا سرحت بخيالى... وهيا بتحب حد تانى.

قلبى اتحرق بنار هواها ... والخيط الضعيف اتقطع.

ادينا افترقنا والسبب .... انا معرفوش دا العجب.

مش هنسا ابدا عينيها .. وعمرها ما هتغيب عن خيالى.

بس نفسى اقولها كلمه ... قبل ما تبعد وتمشى.

قبل ما نحط الحاجز ما بينا ....وتكون نهايه الحكايه.

قبل ما انسى عينيها ... واحاول اداوى جراحى.

قبل ما الوقت يفووت ... احاول !! ممكن الحقه .

استنى هقولك الكلمه دى ... انا وقلبى بنعترفلك..

^

^

كاان نفسى نكون لبعض ......

حبيبين مش حب من طرف واحد

حبيت الكلام عشانك ... وفضلت اسالهم عليكى.

لقيت انى بحبك .. والشوق مالينى ليكى.

ساعتها ناديت لقلبى ... وسالته لو هيبقى ليكى

سلمت الايادى على هذا النقل المتميز
وتقبل مرورى
وليدووووووو حوار مع قلبى 90368

الأستاذ المنسي
أحييك على مشاعرك الرقيقة
حاول فقط ضبطها عربيا لتصبح أكثر جمالا
أتمنى لك التوفيق
أخوك الأكبر
الناقد الأدبي