بتحب مين اكتر..........؟؟؟؟؟

ماتستغربوش أنى نزلت الموضوع ده

بس يعنى ماقدرش أنكر أنه عاجبنى

وضحكنى كتير وقولت انزله

يمكن أكون سبب ضحكه ليكوا

تفتكر بتحب مين أكتر...........مراتك ولا شغلك؟

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟
مراتك...........ولا..شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،

وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا..........الشغل بيصرف عليا.......بس أنا اللي بصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هييجب نتيجة..........

ثالثا........ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!

خامسا....... في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........

سادسا........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك........يا بركه........

سابعا....... الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية} طبعا.

ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم

عاشرا........ في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين

في النهاية....بتحب مين أكتر...مراتك ولا شغلك..

الإجابة..أكيد مراتي طبعا !!!!!!

أتمنى يكون عجبكوا

منقول

زائر

ههههههههههههههههههه
:D :D :D

رهيب يا شوق

كمان
---- > فى الشغل كل اللى هناك برفانات برفان ماشى برفان قاعد -- برفان مستورد-- محلى
انما فى البيت هو فرحان واحد ريحه البصل.

----> فى الشغل الكل هناك على وشه ابتسامه ولو فى حته جنبك تبتسملك طول اليوم هتهون
تعب الشغل وتبقى مش عاوز تروح.
انما فى البيت هو وش واحد وتكشيره واحده متتغيرش الا اول الشهر وبعد يومين ترجع تانى.

----> فى الشغل الكل هناك بيخلص شغله ومحدش بيتكلم الا فى امور الشغل
انما فى البيت من اول ما تدخله تبدأ البوابه تفتح ومتقفلش الا تانى يوم لما تخرج للشغل برضه.

تسلمى يا شوق
على الموضوع الجميل جداً

منتظرين جديدك
وخالص تحياتى لكى