مش هسامحك

موضوع: مش هسامحك الإثنين يوليو 14, 2008 5:39 pm

السلام عليكم
انا كتبت الكلام ده بعنوان مش هسامحك ........واعذروني بجد ياجماعة لاني مش بعرف اكتب انما هي وسيله ان الواحد يخرج اللي جواه

مش هسامحك علي العمر اللي ضاع معاك

ولا هسامحك علشان مش قادرة اتحمل جفاك

مش مسامحة في كل دمعه من دموعي

نزلت وسابت ذكري جرح كان وياك

ياللي مشيت واخدت روحي خلاص معاك

طب كنت سيبها ولا عذابي ده كان مناك

كنت عايشة بس بحلم بيوم لقاك

ومجاش فبالي ييجي يوم واسيب هواك

خلاص ياقلبي حبيبك جرحك يوم نداك

وانت حتي بعد جرحه بتقول فداك

كفايا عذاب ياقلبي في كل لحظه هلاك

وهو روحه مش معاك دي خلاص هناك

بس غصب عني بفتكر له ذكريات

عن حياتنا وذكرياتنا واللي فات

مش مسامحة في كل ليله قلبي بات

ينزف من شدة جروحه والاهات

اذاي اهون عليك وانا قلبي كان

في كل دقه فيها اسمك وفيها احساس بالامان

لكن خلاص ياقلبي مستغرب ليه وعلى ايه ندمان

ولا هو يعني جديد عليك غدر الزمان

مش عايزة غير انك تقويني يا منان

وترزقني بعد منه بنعمة النسيان

موضوع: رد: مش هسامحك الإثنين يوليو 14, 2008 9:24 pm

السلام عليكم ورحمه الله وبركاته
اولا انا سعيده جدا انك رجعتى للمنتدى تانى ياملاك
ثانيا ازاى تقولى انك مش بتعرفى تكتبى
انتى دايما متواضعه
عموما كلامك جميل ويدل على رقتك
وكل الي اقدر اقوله ربنا يكرمك بنعمه النسيان
وبعدين انا قاعده باعمل ايه كيس جوافه يعنى انا هانسيكى كل همك وافرحك
شدى حيلك وعايزين نشوف كل جديد منك

:heart: :heart: :heart: :heart:

زائر

وعليكم السلام ورحمة الله وبركاته

بالعكس يا ملاك

كتباتك جميلة جداً ده بس تواضع منك

تسلمى ع طرحك المميز

منتظر جديدك

فى حفظ الله