نكت على ذوقى

موضوع: نكت على ذوقى الأحد يوليو 20, 2008 4:52 am

انا قريت نكت كتير من مواقع كتير ومن جرايد كتير وجبت شويه منهم عجبونى يارب نكتى تعجبكم وتضحكم

مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

واحد سفاح دخل شقة رجل قتل مراتة والراجل ضحك قتل ابنة والراجل لسة بيضحك قتل بنتة والرجال فاضل يضحك قتل والدة والراجل هيموت على نفسة من الضحك فالسفاح استغرب وسالة قالة انت بتضحك كدة لية وانا بقتل فى علتك فالراجل قالة وهو بيضحك اطلع من دول يا ابراهيم يا نصر

مرة جماعة بلدياتنا غارو من البد اللى جنبهم علشان بيتقال النكت عليهم ... فقالوا احنا نعمل حاجة تكون جامدة قوى علشان يتقال علينا نكت, فطلعو على المقطم ورمو سنانير علشان يصطادو, شوية وبصّوا لقو الجماعة التانية راحو قالعين ونطو من فوق

فى مرة اتنين ظبات بيتراهنو على اغبى عسكرى عندهم .... فا الظابت الاول ندا العسكرى بتاعه وقالو خد 5 جنية وروح هات لى موبايل جديد ووديه البيت ، الظابت التانى ندة للعسكرى وقاله روح فى البيت اسأل عليا شوفنى موجود ولا لأ ... العسكرين وهما ماشين اتقابله فالأول بيقول للتانى اما انا الظابط بتاعى ده غبى اوى باعتنى اجيبله حاجات وناسى ان النهاردة الأحد والمحلات قافلة... فالتانى قاله مش اغبى من الضابت بتاعى ده باعتنى اسأل علية فى البيت ... هوّ يعنى مفيش فى البلد دى اختراع اسمه تيلفوون

مرة واحد خطف طيارة وقال للحكومة لو طلباتى م اتنفزتش فى ظرف 5 دقائق ... حموت نفسى

قمه الهدوء انك تسمع شريط فاضى .... قمه الرخامه انك تقلب الشريط...... قمه التناحه انك تعيد مقطع عجبك

مره واحد بخيل اوى قابل حنطور قاله تاخد كام على انا ومراتى والعيال قاله انت ببريزه ومراتك ببريزه والعيال ببلاش قام قاله خد العيال واحنا حانحصلكم

مرة واحد بيقول لصاحبه: أنا امبارح شفت فيل لونه أحمر بيطير فوق عمارتنا...صاحبه قاله: يا كداب هو في فيل برضه لونه أحمر؟؟

مره اثنين مساطيل بيتفرجوا علي التلفيزيون الاول:هي نشره الاخبار طولت ليه النهارده؟ الثاني:اصلها الحلقة الاخيره

واحد راح يقرأ فنجانه عند واحده عرافه مسكت الفنجان و قالت له ياه أيه اللي انته فيه ده قال لها ليه قالت له بتعيش عشر سنوات في فقر قالها و بعد كده قالت له حتاخد على كده

حازم امام راح لبباه بعد مطش الاهلى والهزيمة 6-1 قاله انامش قادر امشي في الشارع الناس كل ما تشوفني تضحك عليا انا خلاص هعتزل .. راح حمادة امام ا قاله :- لا تعتزل ولا حاجه يابني انا كنت لما بنتغلب في مطش بعمل ست وانزل الشارع .. قام حازم لبس ست وحط فول ماكب ونزل ركب الاتوبيس وقعد .. جت واحدة زي القمر قالتلة انزاح شوية ياحازم .. قالها اية دا انتي عرفتيني ازاي دا انامتنكر علشان محدش يعرف .. قالتلة اهدا شوية ياحازم .. جرالك اية .. انا حسام حسن

واحد قاعد يسمع تعليق مباراة مع صاحبه .. سمع المعلق يقول : دربكه في نص الملعب _ دربكه بين اللاعبين – دربكه قرب منطقة الجزاء – يا ساتر .. دربكه أمام المرمى يا سلااااااام .. أخيراً هدف جميل جداً من دربكه أمام المرمى . المستمع قال لصاحبه : ( دربكه ) هذا لاعب نشيط وممتاز ليه ما يضموهوش للمنتخب ؟

مرة واحد فشار بيكلم صاحبة بيقولة:بابا فضل طاير ثلاث ساعات بالطائرة من غير وقود,فصاحبة قالة :ده ضد قانون الجاذبية,فصاحبه قاله :بابا طار قبل صدور القانون

مرة حرامى نط على راجل و مراته فقال الحرامى للست اسمك ايه فقالت مديحة فقال لها انا مش هاقتلك علشان اسمك زى اسم امى و قال الحرامى للراجل اسمك ايه فقال احمد و بيدلعونى يا مديحة

مرة واحد بلدياتنا كان زهقان من الدنيا ركب تاكسي قال له وديني كوكب تاني رد عليه و قال له هخود 100 جنيه راح خده و داه الصحراء و قابل واحد قال لة انا تعبان من الشمس رد الصعيدي و قال انا هريدي من الارض

واحد بلدينا راح يكشف كشف طبي فالدكتور بيقوله شايف يابني العلامه دي قاله علامه ايه يا دكتور قاله العلامه اللي علي الحيطه دي رد بلدينا وقال يانهار اسود هو في حيطه كمان

واحد بلدياتنا اشتكى من صداع أخوه راح بيه للدكتور ... بعد الكشف والأشعه الدكتور قال لاخوه .. أنا أسف انى أقول لك ان أخوك عنده سرطان ف المخ... فقال للدكتور بتجول ايه يا بيه ؟ طب السرطان وعرفناه ... المخ ده جاله منين

واحد فافى زعل مع مامته قالت له رايح فين يا سوسو قال لها مش حقولك وبعدين نزل ركب تاكسى السواق قال له على فين يا استاذ قال له اذا انا ما قلتش لمامى حقولك انت

قال مدرس لتلميذ مامعنى جوز الهند بالانجليزي قاله التلميذ كوكونت قال المدرس ضعها في جمله قال التلميذ كوكونت من الشباك

تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!

إتنين طرش واقفين على محطة الأوتوبيس فدار بينهم هذا الحوار الأوتوبيس ده رايح مصر الجديدة ؟؟ - إيه ؟ على الحديدة ؟؟ ليه إنت طالب إحسان ؟؟- بذرة الكتان ؟ تلاقيها عند العطار - الجزار ! إنت عاوز لحمة ؟؟ - زحمة ؟! معلش أصل ده معاد خروج الموظفين - نور الدين ؟! معرفوش - متشربوش ؟؟ ليه كفا الله الشر - راس البر ! دا مصيف هادى - المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟ متروح للدكتور - حنطور ؟! دى مواصلة جميلة توصلك لحاد الباب - هباب ! و أنا إلى كنت فاكرك محترم - إتخرم ؟؟ هو مين ؟؟ - أسبرين ؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟! إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد غيرك أتدلع عليه ؟؟ ...................... ، فمر بيهم راجل شرطة لقاهم بيتخانقوا فقالهم : واقفين هنا بتعملوا إيه ؟؟ قالولوا : مستنيين الإوتوبيس فقالهم : يانهاركم إسود .. جواسيس ؟؟ طب تعالوا معايا على القسم

استاذ دخل فصل الاغبية ، قوم واحد وقالوا إرسم طيارة . راح راسم نقطة.. الاستاذ قالو اية دة رد علية التلميذ وقالوا اصلها بعييييييييييييييدة

واحد رخم دخل سينما ملاقاش ولا واحد قاعد غير واحد بس..... فقعد وراه و قالو رأسك لو سمحت

فى مدينة اسمها مدينة الغباء فى حفرة فى المدينة دى .. كل يوم حد يقع فيها وتيجى الاسعاف بعد مدة تشيله فيكون مات ..فاهل البلد قالو لازم نجتمع ونحل الموضوع دة.. ففى واحد اقترح احنا نبنى اسعاف جمب الحفرة بحيث الواحد يقع فتخدة الاسعاف توديه المستشفى على طول ، واحد تانى قال انا عندى فكرة احسن مفهاش تكليف خالص قال احنا نسد الحفرة دى ونحفر حفرة جنب المستشفى

مرة واحد كان راجع من لندن فقابلة واحد صاحبة فقال لية: اتعلمت حاجة جديدة يعني اتعلمت انجليزي كويس. فقاله: ايوة طبعا. فقاله: طب يعني إيه تعالى هنا بالانجليزي. قاله: كام هير. ماشي ولما تقوله روح هناك. قاله: بسيطة اروح هناك واقولة كام هير

مرة مجنون قاعد عند الدكتور كان بيكتب جواب لنفسة فقاله الدكتور انت كاتب فيه ايه قاله هاعرف لما يوصلنى

واحد بلديتنا حب يولع فى مراته ولع فى نفسه و حضنها

مرة واحد فتح غطا إزازة بيبسي وقرا عليها كلمة حاول مره اخرى.. راح قافل اللإزازه وفاتحها تاني

الا مريكان والروس بيتباهوا على بعض . الامريكان بيقولوا احنا اللى طلعنا الفضاء الاول . والروس بيقولوا احنا اللى طلعنا القمر الاول . قام واحد بلدياتنا متغاظ منهم قام قال لهم يعنى لاقيتوا ايه فوق قالوا لقينا طوب وزلط ورمل قام قال احنا بجى اللى طلعناهم فوق .ء